राष्ट्रीय शिक्षा सारथी सम्मान-2025 खातिर चुनल शिक्षकन के दोसरका सूची जारी

राष्ट्रीय शिक्षा सारथी सम्मान-2025 खातिर चुनल शिक्षकन के दोसरका सूची जारी

• शैक्षिक संवाद मंच के ओर से 16 नवम्बर के लखनऊ में सम्मान समारोह आयोजित होई 

गोरखपुर। बेसिक शिक्षकन के स्वप्रेरित मैत्री समूह 'शैक्षिक संवाद मंच उ.प्र.' शिक्षाविद गिजुभाई बधेका के जनमजयंती के मौका पर 16 नवम्बर, के लखनऊ में एगो शैक्षिक गोष्ठी आ शिक्षक सम्मान समारोह के आयोजन कइले बा। ई समारोह में चुनल गइल 77 नया सोच वाला शिक्षक-शिक्षिका लोगन के राष्ट्रीय शिक्षा सारथी सम्मान-2025 दिहल जाई। समारोह में चिठ्ठी विधा पर आधारित 'दिवास्वप्न' पर केंद्रित समीक्षात्मक लेख संग्रह 'दिवास्वप्न संवाद' आ साझा कविता संग्रह 'फूले हैं पलाश वन' के विमोचन भी होई।

ई जानकारी देत, शैक्षिक संवाद मंच के संयोजक दुर्गेश्वर राय बतवलें कि 'विद्यालय बनें आनंदघर' के लक्ष्य लेके शैक्षिक संवाद मंच के स्थापना 18 नवम्बर, 2012 के भइल रहे। मंच द्वारा शिक्षकन के क्षमता बढ़ावे, लिखे के कला के विकास करे, साझा संग्रह प्रकाशित करे आ पढ़े-लिखे के संस्कृति के बढ़ावा देवे खातिर गोष्ठी, कार्यशाला आ प्रशिक्षण सत्र आयोजित कइल जाला आ अइसन शिक्षक-शिक्षिका लोगन के जे स्कूलन के आनंदघर में बदलत बाड़ें, साल में दू बेर समारोह आयोजित कके सम्मानित कइल जाला।

राष्ट्रीय शिक्षा सारथी सम्मान-2025 खातिर शैक्षिक संवाद मंच के अध्यक्ष विनीत कुमार मिश्रा (कानपुर देहात) आ संयोजक दुर्गेश्वर राय (गोरखपुर) के ओर से चुनल गइल 31 नया सोच वाला शिक्षक आ शिक्षिका लोगन के दोसरका सूची जारी भइल बा, जवना में आभा त्रिपाठी (मऊ), डॉ. अंजू रंजना (लखनऊ), निष्ठा दीक्षित (श्रावस्ती), अर्चना गुप्ता, प्रदीप बाथम, दीप्ति राजपूत (बाँदा), साधना मिश्रा, रेखा वर्मा, अलका शुक्ला (प्रतापगढ़), कुसुम कुमारी (बलरामपुर), डॉ. क्षमा सिंह (बहराइच), अनुराधा दोहरे, रामजी शर्मा, अमित सिंह, संजीव कुमार (इटावा), उषा सिंह (फतेहपुर), आरती साहू (बाराबंकी), डॉ. अलका गुप्ता, प्रशांत सिंह, ज्योति सिंह, आरती सिंह, रेखा भांतु, राजन लाल, अर्चना सिंह, नीलम कनौजिया (कानपुर नगर), डॉ. रुचि गर्ग (मुजफ्फरनगर), आलोक शर्मा (कानपुर देहात), किरन राय (अलीगढ़), माधुरी त्रिपाठी (बस्ती), शालिनी सिंह (कौशाम्बी) आ पूनम पोरवाल (औरैया) के नाम शामिल बा। पहिले सूची में 46 शिक्षक आ शिक्षिका लोगन के नाम रहे। सम्मान समारोह में शैक्षिक संवाद मंच के संस्थापक आ बालमन के परखी व्यक्तिव प्रमोद दीक्षित मलय के सहयोग आ मार्गदर्शन मिली।