सोनभद्र: उर्जान्चल युवा मंच फोर लेन सड़क के जाँच ख़ातिर डी एम के पत्र भेजले, औड़ी-शक्तिनगर फोर लेन सड़क के निर्माण में हो रहल लापरवाही के पत्र भेज के जिलाधिकारी के दीहल गईल जानकारी।

सोनभद्र: उर्जान्चल युवा मंच फोर लेन सड़क के जाँच ख़ातिर डी एम के पत्र भेजले, औड़ी-शक्तिनगर फोर लेन सड़क के निर्माण में हो रहल लापरवाही के पत्र भेज के जिलाधिकारी के दीहल गईल जानकारी।

रिपोर्ट : दरोगा यादव देब

 सोनभद्र।उर्जान्चल युवा मंच के अध्यक्ष आशीष कुमार मिश्रा ग्राम परासी पो०अनपरा सोनभद्र के स्थाई निवासी बाड़े ।आशीष मिश्रा बतावले कि हमनी के अनपरा परिक्षेत्र में औड़ी-शक्तिनगर फोर लेन सड़क के निर्माण पी.डब्लू.डी. निर्माण खण्ड सोनभद्र के अधीन मेसर्स गावर कंस्ट्रक्शन लि० गुरु ग्राम हरियाणा के कार्य करने हेतु निविदा प्राप्त भइल बा। फर्म द्वारा कार्य विगत कई वर्षन से कईल जाता परंतु फर्म द्वारा निविदा के शर्त व निविदा के मानकन के अनुरूप कार्य नइखे कईल जा रहल बा जवन ना तो जनहीत मे बा ना त राष्ट्र हित में बा। हम श्रीमान जी  से निम्नलिखित बिन्दु पर  ध्यान आकर्षित करे ख़ातिर पत्र लिखले बानी।

1.फोर लेन सड़क में मिट्टी के जगह कचरा से पाटल गईल बा।

2.सड़क में लगावल  गईल जीएसबी एकदम घटिया किस्म के बा जबकी निविदा में डाला स्टोन जीएसबी लगावे के अनुबंध बा

3.सड़क में सभ पुल-पुलियन में घटिया किस्म के बोलडर के चुनाई भरसी के माध्यम से कईल गईल बा बोल्डर भी घटिया किस्म के लगावल गईल बा जबकि निविदा के अनुरूप सुकरुत के खादानन के बोल्डर लगावे म चाहि जबकी फर्म द्वारा एन.सी.एल. सीजीएम आफिस के टुटल बाउंड्री ल बोल्डर पुल-पुलियन के निर्माण में उपयोग कईल गईल।

4. पुल-पुलियन के जोड़ाई के समय ख़ातिर बोल्डर अउरी भस्सी सिमेन्ट की मात्रा कम कईल गईल बा। जवना से पुल-पुलिया कमजोर स्थित में बा अउरी  ना त पुरान पुल अउरी पुलियन के हटावल गईल ना ही पुरान सड़क के मलवन ( पुरानी कारपेटिंग) के हटावल गईल ।

5.सड़क में बालु अउरी मोरम के जगह एन.सी.एल. के ओबी के उपयोग कईल गईल अउरी कुछ जगहन पर फ्लाई एस के भी उपयोग भराव के कार्य में कईल गईल जवन निविदा के शर्त के अनुरूप नइखे।

6.सड़क निर्माण के दौरान सुरक्षा मानकन में अनदेखी कईल गईल जवना से कईगो दुर्घटनाए भइल अउरी कई कई लोगन के मौते हो गईल।

7.कम्पनी द्वारा सड़क के किनारे बनाबल गईल दुनों तरफ के नालि घटिया मटेरियल मस्सी अउरी कमजोर गिट्टी के उपयोग कईल गईल।

8.बनावल गईल नालिन में ना त सड़क के पानी बह सकत बा ना त आवासीय परिसर के पानी बह सकत बा।

9.फोरलेन सड़क से जुड़ल सड़क में जवन पुलिया बननावल गईल उ एकदम कमजोर अउरी मानक के अनुरूप नइखे सड़क में ना त सही तरीका से डब्लू.बी.एम. कईल गईल बा ना त रोलर सही तरिके से चलावल गईल जवना के कारण कम्पनी द्वारा जवन कारपेंटिंग कईल जा रहल बा उ सही तरिका से नइखे।

10.सड़क कमजोर होनखला के कारण जवन बिजली के पोल लगाबल जा रहल बा उ हल्का बरसात में भी गिर जा रहल बा।

11.औड़ी से शक्तिनगर तक जितना भी हैन्डपम्प लगल रहल उ हैन्डपम्प के अभी तक पुनः स्थापना नईखे कईल गईल बा।

12.औड़ी शक्तिनगर फोरलेन सड़क निर्माण के देखके अइसन प्रतीक होता  कि सड़क के मूल डिजाईन ड्राईंग के साथ छेड़-छाड़ भइल बा।

 13.सड़क में कार्य करे वाला स्थानीय मजदूरन के उत्तर प्रदेश वेतन मान ई.पी.एफ. ई.एस.आई. नइखे दियात अउरी ना ही बैंक के माध्यम से सैलरी के भुगतान कुइल जाता तथा अन्य कवनो सुविधा ल लाभ भी स्थानीय श्रमिकन के नइखे दियात ।

14.गावर कन्ट्रेक्शन लिमीटेड द्वारा निवीदा के शर्तन के उलंघन कई सूर्या नामक कम्पनी के कार्य के पेटी पर

आवन्टन कईल गईल।

आगे कहले कि हम आशीष कुमार मिश्रा श्रीमान जी से निवेदन करत बानी कि उपरोक्त बिन्दु पर निष्पक्ष एजेन्सी द्वारा जाँच करावल जाउ त एगो बड़ घोटाला के उजागर हो सकता । उपरोक्त प्रकरण के जाँच कवनो अइसन संस्था से कराबल जाउ जवन गैर सरकारी होखे। सड़क में लगल मटेरियल के जाँच कवनो प्राईवेट लेबोट्री से करावल जाउ। जाँच के दौरान कम्पनी के साभ भुगतान पर रोक लगावल जाउ अउरी हमारा पास सड़क निर्माण के प्रथम दिन से आज तक के सभ फोटो, विडियो, सामाचार पत्र के कटिंग उपल्बध बा,वक्त जरूरत पर  रउवा समक्ष उपल्बध करावल जाई।जाँच के दौरान हमरा ऊपर कवनो प्रकार के हमला चाहे आपरीय घटना घटी त एकर सम्पूर्ण जिम्मेदारी गावर कन्ट्रक्शन लिमिटेड अउरी पी.डब्लू.डी. निर्माण खण्ड सोनभद्र अउरी उत्तर प्रदेश सरकार के होई। उपरोक्त सड़क के जाँच राष्ट्रहित व जनहित में होई। रउवा द्वारा एक सप्ताह के अन्दर अगर कवनो जाँच ना बईठावल गईल त हम माननीय न्यायालय जाये ख़ातिर बाध्य होख़ब। जवना के सम्पूर्ण जिम्मेदारी जिला प्रसाशन अउरी गावर कम्पनी अउरी उत्तर प्रदेश सरकार के होई।