बैरिया बलिदान दिवस पर अमर सेनानी सभ के श्रद्धांजलि अर्पित क के उहाँ लोगन के परिजन लोगन के “वात्सल्य किड्स” कइलस सम्मानित।
18 अगस्त 1942 के क्रांति के महानायक, अमर सेनानी आ शहीदन के याद में वात्सल्य किड्स प्री-स्कूल रानीगंज में स्वतंत्रता संग्राम सेनानी सभ के श्रद्धांजलि आ उहाँ लोगन के परिजनन के सम्मान समारोह रखल गइल।
कार्यक्रम के सुरुआत भारत माता के चित्र पर अमर सेनानी सभ के परिजन आ विद्यालय के डायरेक्टर भाजपा नेता श्री पंकज सिंह जी द्वारा दीप प्रज्वलन, पुष्पार्चन आ माल्यार्पण से भइल।
विद्यालय के छात्र-छात्रा सभ 18 अगस्त 1942 के अमर सेनानी आ शहीद लोग के फूल चढ़ा के श्रद्धांजलि अर्पित कइलस आ उहाँ लोगन के बलिदान के याद करत नमन कइलस।
आइल अतिथि सभ के स्वागत विद्यालय के डायरेक्टर पंकज सिंह जी माल्यार्पण आ अंगवस्त्र देके कइलन । एहिजा विद्यालय के प्रधानाचार्या श्रीमती नेहा सिंह जी के अगुवाई में छात्र-छात्रा सभ अमर सेनानी सभ के परिजनन के स्मृति-चिह्न देके सम्मानित कइले।
कार्यक्रम के संबोधित करत डायरेक्टर श्री पंकज सिंह 1942 के क्रांति सेनानी सभ के नमन कइले आ उहाँ लोगन के बलिदान, देशप्रेम आ समर्पण के किस्सा बच्चा सभ के सुनवले । उहाँ का कहनी कि भारतीय शौर्य के प्रतीक बैरिया बलिदान दिवस पर हमनी सभ द्वाबा वासी के गर्व आ अभिमान बा। अमर सेनानी सभ के विकसित भारत के सपना आज देश के युवा, छात्र-छात्रा आ किसान सभ के माध्यम से साकार होत बा आ आगे भी राष्ट्र के परम वैभव पर स्थापित कराइल जाई।
अतिथि सभ सम्मान खातिर विद्यालय परिवार के आभार जतवलन।
विद्यालय के छात्र-छात्रा अद्विका, विश्वम, वैभव, यश, अर्पित, आर्यन, मिहिका, ज्ञानसी, अथर्व, अदिती, दिव्यलक्ष्मी, अभिज्ञान, दिव्यांश, अयांश, अक्षत, शान्वी, दीपांशी, सौम्या, विराज, अर्घ्य, पार्थ, उत्कर्ष, हिमांशु आ अन्य बच्चा सभ रंगारंग कार्यक्रम पेश कइलले ।
कार्यक्रम में मुख्य रूप से व्यवस्थापक पीयूष कुमार सिंह, अध्यापिका सलोनी सिंह, स्वेता साह, गौरी मिश्रा, खुशी तिवारी, नंदनी भारती, दुर्गावती देवी, अनिल श्रीवास्तव, उत्पत्ति यादव, भीम कुमार आदि भी उपस्थिति रहलन।
अतिथि सभ के परिचय अध्यापिका सलोनी सिंह करवली आ कार्यक्रम के संचालन नीतू सिंह कइली ।
0 Comments