सोनभद्र : होटल में छापेमारी से म अफरा-तफरी, होटल के आड़ में अवैध डीजल खरीद-फरोख्त के मामला।

सोनभद्र : होटल में छापेमारी से म अफरा-तफरी, होटल के आड़ में अवैध डीजल खरीद-फरोख्त के मामला।

जिला संवाददाता- दरोगा यादव देव के रिपोर्ट

सोनभद्र । जिलाधिकारी के निर्देशन में चोपन थाना क्षेत्र के परासपानी ढाबा मे तीन सदस्यीय टीम के नेतृत्व में मंगर के छापेमारी मे डीजल समेत अन्य उपकरण बरामद कईल गई। प्राप्त जानकारी के अनुसार परासपानी स्थित एगो ढाबा पर अवैध डीजल के कारोबार के सूचना अन्य प्रान्त के मोटर एसोसिएशन द्वारा डीएम के पत्र भेजके कइल गईल रहे, शिकायती पत्र के गंभीरता से लेत जिलाधिकारी  एसडीएम शुशील कुमार यादव अउरी जिला पूर्ति अधिकारी राकेश तिवारी के जांच कई आवश्यक आख्या उपलब्ध करावे के निर्देशित कइले। दुनों अधिकारी चोपन थाना प्रभारी नवीन तिवारी के लेकर मंगलवार के दोपहर एक बजे दल बल के साथ होटल पर पहुंच सघन छापेमारी कईल लोग। एह दौरान तीन सदस्यीय टीम  एक हजार लीटर डीजल, खाली 31 ड्रम, मोटर युक्त पाईप, टोटी युक्त बाल्टी अउरी घरेलू 12 सिलेंडर सहित सात कामर्शियल सिलेंडर बरामद कइलस लोग। एह सन्दर्भ में एसडीएम शुशील कुमार यादव जी बतवनी कि ई छापेमारी जिलाधिकारी के निर्देश पर भइल बा, जांच के दौरान मिलल सभ सामग्रिन सहित कार्यवाही के रिपोर्ट जिलाधिकारी के सौंपल जाई। छापेमारी के समय ट्रेनी पीसीएस श्याम प्रताप, शैलेन्द्र कुमार मिश्रा, डाला चौकी प्रभारी मनोज कुमार ठाकुर, सप्लाई इंस्पेक्टर अरुण कुमार यादव समेत दर्जन भर पुलिस कर्मी मौजूद रहल लोग।