गोरखपुर : नौकरी छुटला से डिप्रेशन के कारण युवक फांसी लगा के कइलस आत्महत्या, पुलिस मामला के जांच में जुटल।

फ़ाइल फ़ोटो

गोरखपुर : नौकरी छुटला से डिप्रेशन के कारण युवक फांसी लगा के कइलस आत्महत्या, पुलिस मामला के जांच में जुटल।

जिला के गोरखनाथ थाना क्षेत्र के शास्त्रीपुरम कॉलोनी में  मंगर के सांझी बेरा एगो युवक ने घर में फंदा लगाके आपन जान दे दीहलस। सूचना पर पहुंचल पुलिस ने शव के कब्जा में लेके पोस्टमार्टम ख़ातिर भेज दिहलस। स्थानीय लोग घटना की वजह कथित तौर पर युवक के नौकरी ना होखला पति-पत्नी के बीच आपसी विवाद बतावल जा रहल बा। पुलिस मामला के जांच में जुट गईल बिया।

जानकारी के अनुसार शास्त्रीपुरम कॉलोनी के रहे वाला रेलवे कर्मचारी हरि प्रसाद मिश्रा के दु गो लईका बाड़े। बड़ बेटा रवि प्रकाश उर्फ राम (34) दिल्ली में प्राइवेट जॉब करत रहले। कोरोना कफ्र्यू के दौरान नौकरी छूट गईला के बाद उ घरे आ गईल रहले आसपास के लोगन के मुताबिक कई महीनन से जॉब ना होखला के कारण पति-पत्नी के बीच आए दिन विवाद होत रहत रहल। एह वजह से उ डिप्रेशन में भी चलत रहले। युवक के कथित तौर पर डिप्रेशन ल इलाज भी दिल्ली के कवनो बड़ हॉस्पिटल से चलत रहल।

सोमार के भी रवि प्रकाश के उनकरा पत्नी से विवाद हो गईल। पति से विवाद के बाद पत्नी मायके चली गईली। तब से उ काफी परेशान रहले। एहि बीच मंगर के रवि पूरा दिन अपना घर के कमरा में ही रहले। काफी देर बीत गईला के बाद जब उ कमरा से बाहर ना निकलले त शाम करीब 7.30 बजे रवि के माई उनकरा के बुलावे कमरा में गईली। काफी आवाज लगावे के बाद भी जब कमरा के दरवाजा ना खुलल त परिवार के लोग एकर सूचना पुलिस के दीहले। मौका पर पहुंचल पुलिस दरवाजा खोलके देखलस त रवि फंदा से लटकल रहले। पुलिस  शव के कब्जा में लेके पोस्टमार्टम ख़ातिर भेज दिहलस अउरी मामला के पड़ताल में जुट गईल। परिवार में रवि के अलावा माता- पिता, उनकर एगो अउरी भाई, पत्नी अउरी एगो चार साल के बेटा बा लोग।