सांसद रवि किशन के जनमदिन पर भोजपुरिया अंदाज में मनल जनसेवा के परब, सिद्धिविनायक से गोरखपुर लेके लागल उत्सव के रेला।
गोरखपुर/मुम्बई। भोजपुरी सिनेमा के मेगास्टार आ गोरखपुर के लोकसभा सांसद रवि किशन शुक्ला के 56वां जनमदिन एह साल भी श्रद्धा, सादगी आ सेवा के रंग में रंगाइल रहल। सोशल मीडिया पर #HappyBirthdayRaviKishan ट्रेंड करत रहल, जहां देश-विदेश से हजारों लोगन उहाँ के जनमदिन पर बधाई देहलें।
🙏 सिद्धिविनायक मंदिर में दर्शन, दिव्यांगन के साथ मिल के काटल केक
जनमदिन के मौका पर सांसद रवि किशन मुम्बई के प्रसिद्ध श्री सिद्धिविनायक मंदिर में दर्शन क के भगवान से आशीर्वाद लिहलन। ऊहाँ का कहनी:
“हे प्रभु, तोहसे ईहे प्रार्थना बा कि तोहर किरपा सदा बनल रहे, आ हम सेवा, समर्पण आ सद्भाव के राह पर चलत रहीं।”
एहके बाद ऊहाँका दिव्यांग जन के साथ जनमदिन मनवनी — केक काटलनी, आ उपहार देके ओह लोगन के साथ खास पल बितवलनी ।
🏥 गोरखपुर में भव्य हेल्थ कैम्प आ भंडारा
गोरखपुर के तारामंडल स्थित सांसद निवास पर निशुल्क स्वास्थ्य जांच शिविर आ भंडारा के आयोजन भइल, जहां सैकड़ों लोग जुटलें। डॉक्टर लोग स्वास्थ्य जांच, सलाह आ दवाई के सुविधा देले।
📸 होर्डिंग आ पोस्टर से सज गइल गोरखपुर
गोरखपुर के हर कोना—चौराहा, सड़क आ बाजार—सांसद समर्थकन के लगावल होर्डिंग्स आ पोस्टर से जगमग हो गइल। कई जगह LED स्क्रीन पर रवि किशन के फिलिम आ जनसेवा से जुड़ल दृश्य देखावल गइल।
🌐 सोशल मीडिया पर उमड़ल शुभकामना
देश के बड़-बड़ नेता—केंद्रीय मंत्री, यूपी के मुख्यमंत्री योगी आदित्यनाथ, दोसरा राज्यन के सीएम, सांसद आ फिलिम इंडस्ट्री के दिग्गज—सब रवि किशन के जनमदिन पर बधाई भेजलें।
🗣️ समर्थकन के भावना
समर्थक लोग सोशल मीडिया आ जनसभा में कहले:
“रवि किशन अब खाली अभिनेता ना, समाजसेवी आ जनप्रतिनिधि के रोल मॉडल बन गइल बानी। उहाँ के जनमदिन अब समाजिक परब बन गइल बा।”
🩸 जनसेवा में समर्पित जीवन
सांसद रवि किशन के ब्लड ग्रुप B-नेगेटिव बा, जे दुर्लभ मानल जाला। ऊहाँ के समय-समय पर खून दान कर के लोगन के जान बचावे के संकल्प लिहले बानी । अभिनय से निकल के अब ऊ जनसेवा के राहे पकड़ लिहले बानी ।
📍 सांसद रवि किशन जी के ई जनमदिन खाली एगो व्यक्तिगत जश्न ना, बलुक समाजसेवा, समर्पण आ संस्कार के जीता-जागता मिसाल बन के सामने आइल बा।
0 Comments